Titolo	Eta princo, La
Aŭtoro	Antoine de Saint-Exupéry
Kategorio	Simplaj legaĵoj kaj infanlibroj
Prezo	12.60 €, sesona rabato ekde 3 ekz.
Eldonloko, jaro	2018 (3a eld)
Eldoninto	Kanada E-Asocio / Espéranto-France
Klarigoj	Fascina fabela rakonto ne nur por infanoj. Kun desegnaĵoj de la aŭtoro.
Tradukisto, lingvo	P. Delaire / El la franca
ISBN/ISSN	9782950737656
Formato	93 paĝoj, 23 cm
Karakterizoj	Kolorilus. Bind
Recenzoj	Bonvolu legi la recenzon pli malsupre La Eta Princo parolas Esperanton de Luiza Carol	Aldonu

  ekz.

---

Recenzo de Jorge Camacho

Legaĵo por ĉiuaĝaj etuloj

Fonto: Beletra Almanako 10
Reta ligilo al la originalo: http://www.beletraalmanako.com/boao/ba10/index.html
Aldonita de Jorge Camacho (2011-08-04)

Verŝajne ne necesas rekomendi aŭ prezenti ĉi libron, jam tradukitan al plej diversaj lingvegoj, lingvoj kaj lingvetoj de la mondo. Oni tuj mendu ĝin antaŭ la baldaŭa elĉerpiĝo de la 3a esperanta eldono, cetere belege presita, ĉar, krom niaj karaj zamideanoj , avide ĝin aĉetos ankaŭ la miriadoj da etaprinckolektistoj ambiciantaj havi po unu ekzempleron de absolute ĉiu aparta lingva versio de la verko.
Ĉu ĝi estas porinfana literaturo? Eble jes. Ankaŭ poradolta. Prefere ni diru ke plej oportune ĝin kunlegu kaj kunĝuu adolto kun infano.
Iuj trovas ĝin sentimentala, eĉ sentimentalaĉa. Miaopinie, ili malpravas (sed estus lacige doni al ili klarigojn). Ĉiufoje kiam mi relegas ĉi majstroverkon nur ŝajne simplan, potence signifohavan, mi trovas novajn aferojn: filozofion, politikon, ironion, poezion…
Ni memoru ekzemple kiel, sur p. 17, la aŭtoro rakontas pri turka astronomo, kies eltrovon de asteroido en 1909 kredis neniu en astronomia kongreso pro lia turka kostumo: “Feliĉe por la reputacio de la asteroido B 612, iu turka diktatoro devigis sian popolon, sub minaco de mortopuno, vesti sin eŭropane. En tre eleganta vesto la astronomo refaris sian demonstracion en 1920. Kaj ĉi-foje ĉiuj samopiniis kun li.”
Oni povus esei ankaŭ pri tio ĉu la floroj sur p. 32 estas nur floroj… Sed, nu, sufiĉas… mi ĉesu jam paroli kiel la granduloj…

 

Opinioj pri Eta princo, La

Kvantumo (2023-01-20):
Tiu ĉi eldono estas tre bonfarita! Finfine mi sukcesis aĉeti ĝin!

---

Via opinio pri Eta princo, La